Wowlaandu	Firo	Teelal	Keewal	Innde
Werlaa	Oto walla kadi mobel. Kuwtorgal lomtotoongal daabaa, jolnoowal yimɓe walla gollorɗe goɗɗe, mbele ɓosnude ɗum en ko yaawi tawa eɓe ɓuri heewde.	Werlaa ka	Werlaaji ɗi	Werlaaji ɗi
Wowru	Kuwtorgal looweteengal gawri mbele sokkude	Wowru ndu	Boɓi ɗi	Boɓi ɗi
Gaccungol	Saakiri kuwtorteeɗo mbele rimndude geɗe (ñaayko, huɗo, gawƴe...) e daabaa.	Gaccungol ngol	Gacculi ɗii	Gacculi ɗii
Jayngol	Tufnde nguleeki, haa waɗi lewlewndu.	Jayngol ngol	Jayli ɗi	Jayli ɗi
Baafal	Alluwal gaɗeteengal e damal ngam uddude	Baafal ngal	Baafe ɗe	Baafe ɗe
Hullaade	Taartin'de lowre galle, waɗirde ɗum tata, walla tugaaje cukkiniree kooce.
Sala	Leɗɗe cañaaɗe darnaaɗe e dow caaɗngol gila fonngo wooto haa woɗngo, ngam waawde taccude caaɗngol tawa juwaani, jolaani e laana, tawa neɗɗo oo yahri ko koyɗe mum.	Sala oo	Salaaji ɗii	Salaaji ɗii
Galle	Hoɗorde	Galle oo	Galleeji ɗii	Galleeji ɗii
Leeso	Weerto jooɗeteengo	Leeso ngoo	Leece ɗee	Leece ɗee
Cinndel	Bakanel noddirgel	Noddirgel Ngel	Noddirkon Kon	Noddirkon Kon
Mbajju	Tekkere tekkunde suddorteende so neɗɗo jaangaama.	Mbajju oo	Mbajjuuji ɗii	Mbajjuuji ɗii
Tele	Alluwal kollowal naɓakaaji	Tele oo	Teleeji ɗii	Teleeji ɗii
Gatal	Ndaɗɗudi. Ko weertetee e leydi, jooɗee e dow mum. Yeru: daago,	Gatal Ngal	Gate ɗee	Gate ɗee
Wakannde	Nokkuyel kippotoongel, ɗo aadee heewi mooftude, comci mum walla keɗe goɗɗe, tawa ina waawi yahdude heen so welaama.	wakannde ndee	Bakane ɗee	Bakane ɗee
Jooɗorde	Kuwtorgal jooɗeteengal	Jooɗorde ndee	Jooɗorɗe ɗee	Jooɗorɗe ɗee
Mbiifu	Kuwtorgal ceŋeteengal e werlaa mbele werlaa oo ina rega e dow laawol. Ina addana ɗum weeɓde dirtinde.	Mbiifu nguu	Biifi ɗii	Biifi ɗii
Ɓataake	Leeteer, talkuru. Ɗerewol binndangol haala soomaa e ɗerwol gonngol, neldangol walla payngol e neldeede	Ɓataake O	Ɓatakeeji Ɗi	Ɓatakeeji Ɗi
Ƴaaraade	Seerndude gawri e saaño, tawa huwtortoo ko henndu. Gawri wondundi e saaño ndi waɗee e lahal, lahal ngal suutee haa toowa, wona e yuppireede seese e lahal keddingal e lmeydi ngal. Henndu wona e weɗde saaño ko, sabu ɗum hoyde, gabbe gawri ɗee nde tawnoo eɗe teddi ɗe ngona e jooraade e lahal les ngal
Lefol	Werto juutngo no feewi, tawa yaajaani, wona leydi mum walla tekkere mum	Lefol Ngol	Leppi Ɗi	Leppi Ɗi
Huɓeere	Mahateeri wonndi bannge mum, mbaɗndi cuuɗi, ndi nder mum waawi hoɗeede	Huɓeere Nde	Kuɓeeje Ɗe	Kuɓeeje Ɗe
Lottundu	Ɓoggol juutngol cowangol, tawa ɗo sowre ɗoo ina yaaji seeɗa haa haayre waawa soomaade heen. So haayre nde soomaama ɗo sowre ɗo, ceɓe ɗiɗi njaggee ɓoggol ngol fof wona e yiileede ngam werlaade haayre haa ɓura woɗɗoyde e ɗo junngo ɓolo waawnoo haaɗnude.	Lottundu Ndu	Lottuɗi Ɗi	Lottuɗi Ɗi
Karba	Kuwtorgal kiwreteengal. Ɓoggol juutngol seeɗa ngol ceɓal jaagetee yiilee, ceɓal goɗngal ngal tawa ina ɓuri seeɓde. So yiilaama laabi ɗiɗi, tati, saƴƴee waya no fiyannde fellaa nii, colli ñaayatnooɗi ngesa kula ndiwa	Karba O	Karbaaji Ɗi	Karbaaji Ɗi
Kalangal	Kuwtorgal ngal sukaaɓe pijirtunoo ngam jaggude pooli. Waɗat mbeɗu huuraangu tekkere fooɗtaande, leggel tokosel ɗisee heen ngam loŋde heen cettal ngal ceeɓeendi mum haɓɓaa gaarawol baɗangol worsundu. Cettal ngal ina loggaa e dalli baawɗo ɗum fettinde. So foondu reppii haa ŋabbii e dow mbeɗu hee sabu yiɗde sikaade ngabbon carakon ɗoon kon, tinataa loŋta cettal ngal, ngal fetta, worsundu ndu worsoo e daande foondu nduu. Wiyee foondu rullinaama.	Kalangal Ngal	Kalaaɗe Ɗe	Kalaaɗe Ɗe
Wilde	Kuwtorgal jaggirteengal colli. Pillipeeje cañetee e beɗel, leeɓi ɗi borsi mumen ngudditii ndarnee heen. Mbeɗu ngu ubbee, borsi ɗii ndaroo, gabbe gawri caree e dow lbeɗu ngu. No colli cikortoo nii, ndoŋka teskaade borsi ɗii haa nde wooturu arti e daande sonndu fof, fuɗɗoo fitaade, keddiiɗi ɗii ndiwa. Ngel colel rullinaama.	Wilde Nde	Bile Ɗe	Bile Ɗe
Mbakku	Kuwtorgal berlirteengal kaaƴe. Ko salndu haɓɓetee dalliiji, ɗiin ne ndenndinee, ko soomata haayre nde ko waɗee ɗoon. So a fooɗii haayre nde e soomre mum a fooɗirii junngo wooto, junngo heddiingo ngo jagga salndu ndu, so a woppii haayre nde rewata ko hakkunde calɗi ɗii. Dalliiji liirtiiɗi ɗii ndokkata haayre nde doole	Mbakku O	Mbakkuuji Ɗi	Mbakkuuji Ɗi
Mbaggu	Foobre settaande haa wawtii, heen bannge huuree nguru liirtaangu haa so cawel fiyaama heen yaltina welngo. So waawɓe honncude njaggii mbaggu ina konnga tan naalaŋkooɓe teyataa ko ngamata.	Mbaggu Ngu	Bawɗi Ɗi	Bawɗi Ɗi
Baltirgal	Ɗo ndiyam waltirta. Ɗo ndiyam ndeeliɗam rewata haa yuppoyoo nannge goɗɗo.	Baltirgal Ngal	Baltirɗe Ɗe	Baltirɗe Ɗe
Gafakke	Saawdu gawri loggeteendu e hoore puccu ngam ñamminde.	Gafakke O	Gafakkeeji Ɗi	Gafakkeeji Ɗi
Wannde	Jamngel kofingel ceeɓngel, kaɓɓeteengel e ceɓal caftol ngam jaggude liɗɗi.	Wannde Nde	Bane Ɗe	Bane Ɗe
Laana	Kuwtorgal juutngal baa?ngal jolnude yimɓe, kulle walla kaake nawa, ina reega, haya walla kadi diwa	Laana Ka	Laaɗe Ɗe	Laaɗe Ɗe
Ñawndugol	Safaara. Cellingol. Baɗgol haa ñawu egga, maaya, cellal lomtoo.	Ñawndugol Ngol	Ñawnduli Ɗi.	Ñawnduli Ɗi.
Feggere	Feggere: ko njamndi gal walla kaŋŋe, Baylo haynta, tafa hofa haa yooɗa, waɗatee ko e feɗeendu.	Feggere Nde	Pegge Ɗe	Pegge Ɗe
Barme	Kuwtorgal defirteengal.	Barme O	Barmeeji Ɗi	Barmeeji Ɗi
Mbaggu	Kuwtorgal konngeteengal yaltina hito welngo. Ngal wayata ko no wowru ni tawi ina huuraanguru liirtaangu banngeeji ɗi fot. So lekkon konngaama e nguru liirtaangu ngu hito ngo yalta. So haralleeɓe mum ina piha bawɗi naalaŋkooɓe ngona e yimde e amde.	Mbaggu Ngu	Bawɗi Ɗi	Bawɗi Ɗi
Lahal	Nokku ɗo ñaamde nokketee so ittaama e barme. Ndeen ko lahe leɗɗe walla kore, jooni ko leɗɗe ɓaleeje en, koymet en, ekn..	Lahal Ngal	Lahe - Lehe Ɗe	Lahe - Lehe Ɗe
Horde	Kuwtorgal ñeɗirteengal. Ndeen ko ɓiɓɓe deeneeri bayɗi no paali nii tawa ina waɗi wuddu juutndu, so ɗe njoorii, ɗe peecee e hakkunde, kaaɗdi ndi ɗuggitee, heefee, wonii kore ɗiɗi ndañaama. Kore keewi ñeɗireede kosam walla tufam.	Horde Nde	Kore Ɗe	Kore Ɗe
Ñorgo	Kuwtorgal kaatane ɓeppal ngal taartaaro mum hooynaa mbele ko waɗetee heen noo waasa rufde.	Ñorgo Ngo	Ñor...... Ɗe	Ñor...... Ɗe
Loonde	Faandu mawndu mahiraandu ɓakke cumaaɗe ɗo ndiyam njareteeɗam mooftetee.	Loonde Nde	Looɗe Ɗe	Looɗe Ɗe
Tengaade	Laafa cañiraaka no ñorgo ni, mbele haɗde naange fiyde e hoore	Tengaade Nde	Tengaaɗe Ɗe	Tengaaɗe Ɗe
Burugal	Leggal portingal ngal calkon ɗiɗon paalaa e ceɓal ɓurngal ɓuttiɗde ngal. Oon bannge e gallaaɗi mum so lommbaama e e kosam wonii e yiileede, yiilireede newe juuɗe ɗiɗi ɗee fof, ɗum wonata.e wurwude kosam renndina ɗum haa ɗaata.	Burugal Ngal	Buruɗe Ɗe	Buruɗe Ɗe
Kuundal	Ñeɗugal pewnirangal leggal	Kuundal Ngal	Kuunde Ɗe	Kuunde Ɗe
Yulnde	Lahal ngal ɓeppiɗaani les julangal gudde cerwuɗe, kuwtorteengal dow barme so defoowo yiɗii suurtinde	Yulnde Nde	Julɗe Ɗe	Julɗe Ɗe
Laɓi	Paaka, njamndi mbelnaandi haa waawi.ɗeeɗde, taƴde walla kadi seekde	Laɓi Ki	Laɓe Ɗe	Laɓe Ɗe
Kaatane	Nokku ɗo defetee, woni cuurel mum fof walla duɗal ɗo barme fawotoo ɗoo tan		Kaatane Ɗe	Kaatane Ɗe
Takkorgol	Tekkere jiiɓre conndi ñooketeende hakkunde barme e yulnde mbele haɗde cuurki ki yahde, ko suurtintee ko leela suurtude.	Takkorgol Ngol	Takkorɗe Ɗe	Takkorɗe Ɗe
Docotal	Leggal puɗɗingal huɓɓude, roytaani.	Docotal Ngal	Docotte Ɗe	Docotte Ɗe
Fecitere	Leɗɗe daɓɓe peecaaɗe ngam huɓɓude ɗe.	Fecitere Nde	Pecitte Ɗe	Pecitte Ɗe
Jammbere	Kuwtorgal coppirteengal leɗɗe. Lawɓe keewi huwtoraade ngal. Ko ɓooldu raɓɓuru, tiiɗndu ndu hoore murlere, njamndi tiŋkiɗndi mbelndi ina seŋaa e hoore nde mbele so neɗɗo ƴeeriima fiyii ndi e leggal, ndi yiɗa feecde leggal ngal.	Jammbere Nde	Jammbe Ɗe	Jammbe Ɗe
Tugawal	Pecitte juutɗe seeɗa, heewi huwtoreede so joomum ina yiɗi feewnude galle. Ɗe keewi ko ñiɓeede e taartaaro galle walla ngesa, kooce walla baaboruuje kunndee heen	Tugawal Ngal	Tugaaje Ɗe	Tugaaje Ɗe
Koocal	Catal lekki baɗngal giye	Koocal Ngal	Kooce Ɗe	Kooce Ɗe
Wooroŋŋe	Bannge e jalo jaggeteeɗo o, oon bannge heewi wonde leggal.	Wooroŋŋe O	Wooroŋŋeeji Ɗi	Wooroŋŋeeji Ɗi
Unugal	Leggal ngal ceɓe mum ɗiɗi fof ɓuttiɗi murliɗi, unugal fiyetee e nder wowru waɗndu gawri mbele sottude walla unde haa ɗigga.	Unugal Ngal	Unuɗe Ɗe	Unuɗe Ɗe
Tame	Lahal ngal jooɗorde mum waɗiraa ko wayi no saakiri njamndi ni. Tame waɗete conndi seɗiree: 1 - tame mo nguddon cewkon kon ko tame ɗaatɗo 2 - tame mo nguddon ndewkon heen kon ko tame jooroodu 3 - tame mo gudde jaajɗe oo ko tame giriyaas.	Tame O	Tameeji Ɗi	Tameeji Ɗi
Seɗde	Seerndude gabbe ɓutte e cewɗe tawa huwtorii ko tame.
Baraade	Catalel tokosel baɗirteengel ataaye	Baraade Ngal	Baraduuji Ɗi	Baraduuji Ɗi
Kaas	Nokuyon tokoson ɗo siwetee ataaye, nbahdowon e baraade.	Kaas O	Kaasuuji Ɗi	Kaasuuji Ɗi
Fuurno	Nokku baɗɗo mbeɗu ɗo ƴulɓe jayngol mbaɗetee ko wulnirtee koo fawee heen. Mbeɗu ngu ina fawii e dow jooɗorde, hakkunde mbeɗu ngu e jooɗorde nde, ɗoon henndu naatirta wuurtee arda ƴulɓe ɗe les, wutta ɗe, boyna ɗe.	Fuurno O	Fuurnooji Ɗi	Fuurnooji Ɗi
Firde	Firde: ko lekɗe cewɗe koftee fiilee heen baaji haa tiiɗa,waɗetee ko tiba dow hedde jubudu too ,ko kañum taarto too tigilde nde,ko e firde nde baaji juri ɗii kaɓɓetee ɗi telloo les,	Firde nde	Pille ɗe	Pille ɗe
Mbolu	MBOLU :Ko Lekɗe cewɗe sañatee sañiree baaji ,Wayata kono tibayel nih ,Waɗatee heen ko gertooɗe walla pooli ,so aɗa egga aɗa waawi naworde tawa gertooɗe ɗe ina nder ,hay so waalii lakde jonngooji keɓataa ɗum,	Mbolo Mbolowaal	Mbolooji Mbolooje	Mbolooji Mbolooje
Wafdu	Wafdu:ko njmndi kofiindi ina waɗi ñiiƴe ceeɓɗe belɗe,ina hesiree huɗo,ina soñiree butaali walla cammeeje,	Wafdu Wafdu	Bafɗi Bafɗe	Bafɗi Bafɗe
Horde	Dennde yoornde nde kaaɗdi mum ittaa, sehaa haa waawa huwtoreede no ñeɗude nii walla bool nii.	Horde Nde	Kore Ɗee	Kore Ɗee
Wilde
Ƴelde	Ƴelde: ko feccude teewu walla lekɗe Ekn, waɗa ƴele ƴele.	ƴelde Nde	ƴele Ɗe	ƴele Ɗe
Bagi	Dental ɓinɗe to bannge ɓanndu Nguru wayata ko dental ɓinɗe, ina waawi nanngireede no dental ɓinɗe nii. Tekkere yaajnde waawngo waɗteede no leppi. So comcol kesol ina ñootee, heewi taƴeede ko e bagi	Bagi O	Bagiiji Ɗi	Bagiiji Ɗi
Ɗerewol	Werto hoyngo sewngo ɗo winndooɗe keewi waɗde binndi mumen. Kaayit. Deftere ko dental ɗereeji.	Ɗerewol ngol	Ɗereeji Ɗi	Ɗereeji Ɗi
Dognoowo	Jiiltoowo, ɗowoowo werlaa, abiyoŋ, laana ndiwoowa, laana leydi..... Keedɗo yeeso ina haylita, jagguɗo e ŋaaŋol oo. Kaŋko waawi rewnude laana makko laawol.	Dognoowo O	Dognooɓe Ɓe	Dognooɓe Ɓe